2020年，修讀設計並電影圈出身的陳偉詩 (Denton) 有見新冠疫情影響下，有志投身演藝行業的年青人難以覓得工作，部分現有的KOL、Youtuber等更引伸經營困難。於是成立We Channel，希望運用多年的人脈結合行業知識，匯聚對電影充滿熱情的青年人，搭建舞台實現幕前或幕後演藝人的夢想。
「拍成嘅網劇或者作品，會放番上我哋自己We Channel喺YouTube個頻道﹔咁我都會拍番戲喇，咁個頻道就會由班後生自己去搞番。」Denton認為YouTube不一定只是年輕人的玩意﹕「年輕嘅，睇channel可能係求笑、開心嘅﹔年紀大嘅，就可能係求知識、回憶。」他們亦曾與知名藝人和大型電視台合作，製作短片並吸納新血。「但係我哋嘅工作就會輕鬆啲，冇咁多規限，而且我哋會提供培訓、出鏡等機會。譬如好似有位音樂老師已經半退休，佢就會幫手教唱歌咁樣。」除此以外，還有專業文憑資格的演藝老師教授戲劇知識、經驗豐富的前輩講解行業故事和前景等。
「因為我哋都有教製作，除咗諗橋段、拎機拍呢啲佢哋本身可能已經有嘅概念，透過我哋啲導演、燈光師等等再教番啲技術上嘅精要俾佢哋。」Denton笑言，「有時都有啲野好忟憎嫁，就好似明明要上山拍野，但唔記得帶卡、唔夠電咁樣。不過呢啲就需要前人去提醒，試過就會記得。」同時，他主張放手讓年青人嘗試﹕「佢哋拍片都已經有自己嘅風格，我哋會教同埋俾建議，但佢哋採唔採納我哋唔會特別去規限同干預，因為每個人嘅風格都唔同，唔係人人都受落。」
Denton希望將We Channel發展成知識型平台，「譬如試過有年青嘅編劇，佢哋寫咗個劇本，咁我哋會投資之餘，都幫手搵廣告商去拍成一個網劇。演員就由佢哋自己自編自演番。」他指出，雖然類似模式容易出現虧蝕情況，但正正因新人欠缺知名度，就更需要助他們一圓夢想。而We Channel就是集中了不同資源和人才的平台，推動年青人追演藝夢，同時延續本地演藝行業發展。
如有任何品牌、創業、商業、財經及創新科技的故事投稿、新聞稿及市場資訊，歡迎電郵至 news@biz-innovator.com ，亦透過 WhatsApp : +852 6186 0409 聯絡市場發展部的同事。
