文心設計有限公司於2020年底成立，除了提供一般的平面設計，還有商業攝影、短片拍攝、社交媒體管理等多元化服務，也曾替不少餐廳及食肆構思平面設計和社交媒體管理，較知名的如元朗腐竹、八月堂、洪瑞珍等。
資深設計師Michael Chan指﹕「我哋最希望就係可以服務全港嘅中、小企業，因為佢哋其實都係有設計方面上嘅需求，但礙於資金嘅限制，令佢哋冇乜資源放喺宣傳同設計上。」以全面且優質的服務，文心提供高性價比的選擇，期盼開拓中小企客戶群。
「雖然宜家是一間細公司，但細而精。同事都會精益求精，學習唔同新設計、技巧同軟件等等。」以最近興起的3D海報為例，文心設計團隊熟悉3D繪圖軟件，以3D轉2D的技術，創作設計作品，還能以插畫手繪形式製作設計作品。「香港好少會有公司可以設計到3D海報，亦都好少會用到插畫，始終識畫插畫嘅設計師唔多，但我哋就可以滿足到客戶嘅需要。」有別一般設計公司，文心掌握純熟的合成設計技術。
先掌握客戶公司的資料和要求，如業務範圍、設計風格和要求、理想風格的設計參考圖等，然後再作出相應建議和回應。「為保持良好嘅溝通同關係，我哋都會提供番免費嘅諮詢服務俾客戶，唔會因為你俾錢買我哋嘅服務，我哋俾咗設計你就再冇下文，唔會係咁。」
其中設計商標的工作令Michael最感挑戰性。年初，他曾為一間咖啡店設計商標，需要將店鋪追求卓越的精神融合中國傳統哲學原理。「日常平面設計等工作都係建基於客人以往曾經做過嘅設計，然後稍加改動或加入新元素﹔商標設計係真正設計一樣全新嘅野，由冇到有，中間需要經歷無數次商討、修改。可能連客人自己本身都唔知想要啲咩，只係得好抽象嘅概念，所以係要客人對你有足夠嘅信任同肯定，雙方都一齊摸索方向。」
Michael認為出色的平面設計不但要精美的外觀，還要滿足客人所需。「設計始終係一個服務性行業，你符合唔到客人嘅要求或者需要，你設計得幾靚都冇用，人哋唔啱都係唔會用。」因此，清楚了解客戶要求，做出簡單、直接，令人一目了然的設計十分重要。「好似宜家資訊咁發達嘅年代，我哋喺地鐵站會過目好多唔同嘅廣告、傳單，接收好多唔同嘅資訊。」他堅信，簡潔、高端大氣的設計，最能從眼花撩亂的宣傳品中吸引眼球，突圍而出。
展望未來，為拓闊公司的業務範圍，文心設計承諾提供優質的平面設計和攝影服務，聚焦發展多媒體工作。「我哋覺得呢個係將來嘅大趨勢，好似短片、社交平台管理等等，對比純文字同圖片始終係更加吸睛。」
疫情影響下，造就互聯網商業的契機，使不少公司轉型發展網上平台，「因為好多公司客戶都係啱啱先起步，適應互聯網發展，甚至連網頁或者專頁都未有，喺公司層面就希望可以接到更多商業嘅封面短片拍攝﹔個人層面就想拍多啲教人商業攝影同攝影技巧，甚至做一啲培訓同教學。」
如有任何品牌、創業、商業、財經及創新科技的故事投稿、新聞稿及市場資訊，歡迎電郵至 news@biz-innovator.com ，亦透過 WhatsApp : +852 6186 0409 聯絡市場發展部的同事
